Helau
Fasching
Gemeindefasching 2019
Uff Wunsch von ä bor Düben müss´n mir im März ä Gosdümfesd machen. Di genn das von doheeme un woll´n, dass mir hier och den Gwaddsch veranschdaldn. Vielleechd ladschn ja ä bor Läude deshalb in die Brobsdei – am 1. März ab zwanzsch Ur. Ne halbe Schdunde äher lassn di och schon nein. Ei verbibbisch: ä bissl neugiersch binsch schon, ob das glabbd. Gönnde nisch schleschd wärdn.
Ach ja, das Moddo iss: „unsre Muddersproche für Nisch-Sachsen“. Gosded och was: 5 Euros, wenn de was midbringsd - zeenne, wenn de geizsch bisd. Gosdüm wird bei dem Moddo schwiersch. Ma guggen.
"Mir Sachsen, mir sin helle, das wees de ganze Weld, und simmor ma ni helle, dann hammor uns verschdelld."